ສ້າງຂະບວນການຕ້ອນຮັບກອງປະຊຸມໃຫຍ່ຂອງໜ່ວຍພັກສະຖາບັນຄັ້ງທີ II

ເພື່ອເປັນການສ້າງຂະບວນການຕ້ອນຮັບກອງປະຊຸມໃຫຍ່ຂອງໜ່ວຍພັກສະຖາບັນຄັ້ງທີ II, ໃນວັນທີ 07 ພະຈິກ 2019 ເວລາ 17 ໂມງ ສະຖາບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ, ກະຊວງພາຍໃນ ແລະ ກົມພາສີ, ກະຊວງການເງິນ ໄດ້ແຂ່ງຂັນກິລາບານເຕະມິດຕະພາບຂຶ້ນທີ່ເດີ່ນເຕະບານ ນິລິນ, ນະຄອນຫຼວງວຽງຈັນ ຈຸດປະສົງເພື່ອເປັນການເສີມສ້າງຄວາມສາມັກຄີ, ມິດຕະພາບ ແລະ ຂະບວນການຟົດຟື້ນ ອັນເປັນມິດຕະພາບທີ່ດີລະຫວ່າງສອງກະຊວງ ເວົ້າລວມ ເວົ້າສະເພາະກໍຄື ພະນັກງານພາຍໃນສະຖາບັນ ແລະ ກົມພາສີ.