ຄະນະໜ່ວຍພັກ ແລະ ຄະນະພະແນກ ສວປຝ ເຮັດວຽກຮ່ວມກັບຄະນະກວດກາກະຊວງພາຍໃນ

ຄະນະໜ່ວຍພັກ ແລະ ຄະນະພະແນກ ສວປຝ ເຮັດວຽກຮ່ວມກັບຄະນະກວດກາກະຊວງພາຍໃນ

ວັນທີ 31 ຕຸລາ 2019 ຄະນະໜ່ວຍພັກ ແລະ ຄະນະພະແນກ ສະຖານບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ ເຮັດວຽກຮ່ວມກັບຄະນະກວດກາລົງຕິດຕາມ ກວດການນໍາພາຮອບດ້ານ ຈຸດປະສົງເພື່ອຕິດຕາມຊຸກຍູ້ ແລະ ເກັບກໍາສະພາບການເຄື່ອນໄຫວຄົ້ນຄວ້າເຊື່ອມຊຶມ, ກໍາແໜ້ນ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ       ເວົ້າລວມ, ເວົ້າສະເພາະ ເພື່ອຊຸກຍູ້ໃຫ້ໜ່ວຍພັກຈັດຕັ້ງຜົນຂະຫຍາຍເນື້ອໃນຈິດໃຈກອງປະຊຸມໃຫຍ່ ຄັ້ງທີ I ຂອງອົງຄະນະພັກ ກະຊວງພາຍໃນ ແລະ ກອງປະຊຸມໃຫຍ່ຄັ້ງທີ I ຂອງໜ່ວຍພັກສະຖາບັນ, ຕິດຕາມ ຊຸກຍູ້ ກວດກາການປະຕິບັດແຜນການກໍ່ສ້າງໜ່ວຍພັກໃຫ້ມີຄວາມປອດໃສ ເຂັ້ມແຂງ ແລະ ໜັກແໜ້ນທາງດ້ານການເມືອງ-ແນວຄິດ, ການຈັດຕັ້ງ, ແບບແຜນການນໍາພາ ແລະ ປະຕິບັດໜ້າທີ່ການເມືອງຢ່າງມີຄວາມຮັບຜິດຊອບ. ນອກຈາກນັ້ນ, ຍັງເປັນການເກັບກໍາສະພາບການເຄື່ອນໄຫວຂອງການຈັດຕັ້ງພັກ, ຄະນະໜ່ວຍພັກ ແລະ ສະມາຊິກພັກຂອງສະຖາບັນໃນການປະຕິບັດສິດ ແລະ ໜ້າທີ່ຂອງຕົນ.

ໃນບາດກ້າວການດໍາເນີນວຽກງານຮ່ວມກັນທັງສອງຝ່າຍ ຄະນະກວດກາໄດ້ມີການແຈ້ງຈຸດປະສົງ, ແຜນການກວດກາ, ບັນດາເນື້ອໃນເອກະສານ ວາລະການດໍາເນີນງານ ພ້ອມດ້ວຍບັນຫາອື່ນໆທີ່ພົວພັນກັບວຽກງານກວດກາ ແລະ ຄະນະໜ່ວຍພັກສະຖາບັນຍັງໄດ້ລາຍງານຕໍ່ຄະນະກວດກາຕາມຮ່າງຄໍາຖາມເຈາະຈີ້ມ, ມອບ-ຮັບຂໍ້ມູນເອກະສານພ້ອມທັງເຮັດບົດບັນທຶກການເຮັດວຽກຮ່ວມກັນລະຫວ່າງສອງຝ່າຍ.