ກອງປະຊຸມທາບທາມບຸກຄະລາກອນຄັ້ງທີ I ຂອງໜ່ວຍພັກສະຖາບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ

ໃນຕອນເຊົ້າຂອງວັນທີ​ 14​ ພະຈິກ​ 2019​ ທີ່ສະຖາບັນຄົ້ນຄວ້າວິທະຍາສາດການປົກຄອງ ແລະ​ ຝຶກອົບຮົມ​ (ສວປຝ)​,​ ກະຊວງພາຍໃນ ໄດ້ຈັດກອງປະຊຸມທາບທາມບຸກຄະລາກອນຮອບທີ I​ ຂອງໜ່ວຍພັກສະຖາບັນ ຊຶ່ງມີສະມາຊິກພັກເຂົ້າຮ່ວມທັງໝົດ 16​ ສະຫາຍ,​ ຍິງ​ 06​ ສະຫາຍ,​ ຈາກ​ ສວປຝ​ 12​ ສະຫາຍ,​ ຕາງໜ້າກົມຈັດຕັ້ງ 01​ ສະຫາຍ,​ ຕາງຫນ້າກົມກວດກາ 02​ ສະຫາຍ​ ແລະ​ ອະດີດຄະນະພັກກະຊວງ 01 ​ສະຫາຍ.​ ຈຸດປະສົງເພື່ອຜ່ານຮ່າງບົດລາຍງານການເມືອງ,​ ຮ່າງບົດສຳຫຼວດການນຳພາໄລຍະ 5​ ປີຜ່ານມາ,​ ການທາບທາມບຸກຄະລາກອນຮອບທີ I ແລະ​ ປະກອບຄຳຄິດຄຳເຫັນໃສ່ 2​ ຮ່າງບົດລາຍງານດັ່ງກ່າວ ເພື່ອໃຫ້ມີເນື້ອໃນສົມບູນຂຶ້ນກວ່າເກົ່າ.​